“ഒഴിയാതെ” ഫസ്റ്റ് ലുക്ക് പോസ്റ്റർ റിലീസ് ചെയ്തു

1970-കളിലെ അടിയന്തരാവസ്ഥക്കാലത്ത് ഇന്ത്യയിലെ സാധാരണ ജനങ്ങൾ നേരിട്ട ഭരണകൂട ഭീകരതയുടെ കനത്ത അനുഭവങ്ങളിൽ നിന്ന് പ്രചോദനം ഉൾക്കൊണ്ട് ഒരുങ്ങുന്ന മലയാള ചിത്രം “ഒഴിയാതെ” യുടെ ഒഫീഷ്യൽ ഫസ്റ്റ് ലുക്ക് പോസ്റ്റർ പുറത്തിറങ്ങി.

ഫറൂഖ് അബ്ദുൾ റഹിമാൻ തിരക്കഥ എഴുതി സംവിധാനം ചെയ്യുന്ന ചിത്രം ശക്തമായ രാഷ്ട്രീയ-സാമൂഹിക പശ്ചാത്തലത്തിൽ കഥ പറയുന്ന ഒരു തീവ്ര സിനിമയായിരിക്കുമെന്ന സൂചനയാണ് ഫസ്റ്റ് ലുക്ക് പോസ്റ്റർ നൽകുന്നത്.

ഇൻസൈറ്റ് ദ് ക്രീയേറ്റീവ് ഗ്രൂപ്പിന്റെ ബാനറിൽ മേതിൽ കോമളൻകുട്ടി നിർമ്മിക്കുന്ന ചിത്രത്തിന്റെ ഛായാഗ്രഹണം സോണി സുകുമാരൻ നിർവഹിക്കുന്നു.

മേതിൽ സതീശൻ എഴുതിയ വരികൾക്ക് സംഗീതം പകരുന്നത് ദേശീയ പുരസ്കാര ജേതാവായ ബിജിബാൽ ആണ്. എഡിറ്റിംഗ് പ്രേംസായ്, കലാസംവിധാനം പ്രമോദ് പള്ളിയിൽ, കോസ്റ്റ്യൂംസ് ലത മോഹൻ, സൗണ്ട് ഡിസൈൻ & മിക്സ് ഗണേഷ് മാരാർ എന്നിവർ കൈകാര്യം ചെയ്യുന്നു.

ചിത്രത്തിന്റെ ചീഫ് അസോസിയേറ്റ് ഡയറക്ടർ ബിൻസ് ജോസഫ് ആണ്. രാധാകൃഷ്ണൻ ചേലേരി പ്രൊഡക്ഷൻ കൺട്രോളറായും എ എസ് ദിനേശ് പി ആർ ഒയായും പ്രവർത്തിക്കുന്നു.

ഫസ്റ്റ് ലുക്ക് പോസ്റ്റർ പുറത്തിറങ്ങിയതോടെ സിനിമാപ്രേമികൾക്കിടയിൽ ചിത്രത്തെ കുറിച്ചുള്ള വലിയ ആകാംക്ഷയാണ് ഉയരുന്നത്. ചരിത്ര സംഭവങ്ങളും മനുഷ്യ വികാരങ്ങളും ശക്തമായി അവതരിപ്പിക്കുന്ന ഒരു സിനിമാനുഭവമാകും “ഒഴിയാതെ” എന്നാണ് അണിയറ പ്രവർത്തകർ വ്യക്തമാക്കുന്നത്.

“ഒഴിയാതെ” – അണിയറ പ്രവർത്തകർ

“ഒഴിയാതെ” സിനിമയുടെ ടീസർ, ട്രെയിലർ, അഭിനേതാക്കൾ, റിലീസ് തീയതി എന്നിവയുമായി ബന്ധപ്പെട്ട കൂടുതൽ അപ്ഡേറ്റുകൾക്കായി കാത്തിരിക്കൂ.